نبيلة عبيد: هقدم قصة حياتي عشان أحكي صعوبات مشواري.. ومحدش قدم تضحيات زيي في الفن
أعلنت الفنانة نبيلة عبيد، عن تحضيراتها لتقديم قصة حياتها وتفاصيل مشوارها الفني، موضحة أنها قدمت العديد من التضحيات من أجل مستقبلها الفني.
وقالت نبيلة عبيد على هامش حفل افتتاح مهرجان البحر الأحمر السينمائي الدولي: أنا بحضر قصة حياتي وبقول إن المشوار اللي أنا عملته ده مكنش بالساهل، لأ خد وقت مني ومجهود وتضحيات زي إني مبقاش أم ويكون عندي بيت، هل في حد دلوقتي عنده القدرة إنه يختار ده؟ أتمنى حد دلوقتي يختار قصة وموضوع ويعمل زي ما أنا عملت.
وأضافت نبيلة عبيد: فيه على فكرة بنات أنا بشوفهم بكون سعيدة بيهم، ومعتقدش أن في حد قدم تضحيات زيي، مش هنعملها دراما إحنا هنعملها أنا أحكي عن نفسي المشوار بتاعي كان إزاي وإيه الصعوبات اللي قابلتني وإزاي تحملت لغاية النهاردة.
مهرجان البحر الأحمر السينمائي الدولي
وشارك في الدورة الثالثة من مهرجان البحر الأحمر السينمائي الدولي، عدد كبير من نجوم الفن في العالم، وأبرزهم: الفنانة ليلى علوي، دينا الشربيني، نادين نسيب نجيم، ياسمين صبري، لبلبة، ياسمين رئيس، مايا دياب، أحمد حاتم، محمد ثروت، أمينة خليل، شيرين رضا، ماجي بوغصن، المخرج يسري نصر الله، علي قاسم، نيقولا معوض، قصي خولي، وغيرهم من الفنانيين.
كما حضر عدد من النجوم العالميين وأبرزهم: جوني ديب، ويل سميث، مريم أوزرلي، بوراك أوزجيفيت، رانفير سينج، ميشيا ويليامز، وغيرهم من الفنانين.