• الرئيسية
• المنوعات

أمى قالتلى خليها على الله وقوم اخرج اتمشى عشان الخروج احسن من القاعدة مش كل ال طلع معاش يعمل كده ويعزل نفسة ويعيش لوحده وبضحكة جميلة رديت عليها تقدرى تجبيلى العمر من الأول وانا صغير ومش حامل هم حاجه تخرج تروح تيجى مش شايل الهم الاكل والشرب كل حاجه حلوه تمام مفيش هم تقدرى تجبيلى امى وابويا
كانو طيبين وعايشين على حالهم.

واللمة الحلوة الاخوة الجمال والاب الحنين والام ال لمة كل دول وكل يوم ربت البنات ذى الصبيان يقولو على البنت جامدة وحبايبنا من تاني كنا عزوة و العزوة حلوة وجميلة اوى واللمة واقولك و الجيرة الجميلة الا كل اكلة ناكل منها عشان كانو احسن صحبة وطبقهم ما يرجعش فاضى يتملى من فضل ربى فى كل وقت ويا سلام لما يجى رمضان او اى مناسبة طبق رايح مليان وراجع مليان من خيرات ربى تقدرى تجيبى قلب نطيف وابيض والكل بيحبه عمره مانسي ال لية ولا العلية وناس تحبك وعين متحسدشى تلاقيك فى خير تفرحلك فى ناس كده يا امى جميلة بتدى وايديها فيها كل الخير تشيل منابك على جنب وتقابلك دى اكلتك ودى ودى ربنا يباركلك ويسترك ناس جميلة اوى نطمن لها زي ناسنا زمان فيها طبع الحنية بتدى لله وفى الله وعنيها قوية فى الحق فى ناس كده فى الزمن ده ااه والله العظيم يا دى كلها هنا والله غصب عنا بندور فى الوشوش يمكن الاقى حد فى حنيتها وعطفها تقدرى تجيبى ناس متخونش العيش والملح وقريبن منك والطعنة منهم تقول عليك ال مش فيك عمرك كله شوف الزمن دة تكره نفسك خيانة عيش وملح ومودة ورحمة غصب عنا ندور فى كل ال اقبلة يمكن القى حد فى كرمهم بجد غصب عنّا بنتمني إنّ كل لحظة حلوة مرّت علينا ترجع زي زمان ونقول للناس العزاز اللي كانوا وقتها لنا سند كانوا لنا ضحكة الأيام الجميلة و كان كل حد فينا بيمد ايديه لصاحبه بيحضنه بكلامه ويدفيه بعنيه
كان كل حد فينا خايف عالتاني غصب عنا بنعيش فى ال فات ونحن لعمر فات بنحن لكل لحظة عشناها مع الناس العزاز كانو طيبين وعلمونا الاحترام وان العيش والملح ميتخنش ابدا اكيد لازم نحن للفات.