حلا شيحة تكشف سر غضب والدها منها وضربها بالقلم (فيديو)
![الفنانة حلا شيحة](https://media.ewvoice.com/img/24/03/18/48311.png)
قالت الفنانة حلا شيحة: "أبويا ضربني مرة واحدة بس في حياتي، رغم إنه حنين جدا وطيب للغاية".
قصة حلا شيحة مع والدها
وأضافت خلال لقائها ببرنامج "ع المسرح" المذاع على قناة "الحياة": "جيت في مرة وكنا عايشين في العجمي كنا عايزين نخرج كلنا وبابا مكنش راضي فعملنا اتفاق اننا هنروح المشوار اللي هنروحه من غير ما هو يعرف بس نرجع بدري، بس المشكلة بقى اننا اتأخرنا وطبعا لما رجعنا سألني انتوا كنتوا فين؟ فقلت له كنا هنا جنب البيت، قاللي لأ انا عارف انكوا كنتوا في المكان ده فسكت طبعا".
Advertisements
أول عقاب في حياة حلا شيحة
وتابعت: "هنا شيحة أختي أول واحدة جريت من قدام بابا بعد ما اكتشف اننا خرجنا بدون إذنه، في الآخر زعق معايا أنا وأخدت قلم منه ودي المرة الوحيدة اللي في حياته اللي مد ايده عليا وضربني غير كده مضربنيش تاني وهذا أول عقاب ليا في حياتي".
سر غضب والد حلا شيحة منها
ولفتت حلا شيحة: "الحاجة الوحيدة اللي كانت مضايقة بابا مني الكذب، وأنا بطبعي كبرت ومش بحب اكذب واللي حساه بقوله وبعمله ومعنديش حتة اني اعرف اكذب، ومبعرفش أخفي حاجة لإن بيظهر علي وشي علطول إني هكذب".
و