هدوء تعالى عوزاك ياسيد

القضية رقم 1536 لسنة 2022 جنايات المرج والمقيدة برقم 1336 لسنة 2022 كلي شرق القاهرة عن خطف متهم وإجباره على توقيعات إيصالات أمانة بعد اتهامه بالدلوف إلى منزل إحدى السيدات ومراودتها عن نفسها لإقامة علاقة غير شرعية معها استدعت جهات التحقيق المتهمة الأولى في الواقعة والتي استدرجت المجني عليه بحجة إقامة علاقة غير شرعية معها وتدعى نادية، وجاءت أقوالها كالآتي:-

المدعو سيد المجني عليه كان بيتصل بيا ويقولي كلام مش كويس وقالي أنا عاوز أقيم علاقة غير شرعية معاكي وأنا رفضت وعرفت ابني عمر باللي حصل وراح قالي ماشي حددي معاد ييجي فيه وأنا هأدبه وهأخد منه التليفون ونضربوا علشان ميعملش كدا تاني وبعدين عمر عرف صحابه وبعد كدا أنا اتفقت مع سيد ييجي عندي البيت علشان يقيم علاقة معايا وساعتها أنا اتفقت مع عمر وصحابه أنهم يخشوا علينا ويضربوه ويخدوا منه التيلفون وأضافت المتهمة الأولى أمام جهات التحقيق صحاب عمر جم وأنا رحت جبته من المرج بالعربية بتاعته وجبناه على البيت وطلع معايا البيت وراح قلع هدومه كلها وأنا كنت قالعة الطرحة وبعدها لقيت ابنى دخل علينا هو وأصحابه اللي موجودين دلوقتي وراحوا ضربينوا ووخدين منه التيلفون علشان يمسحوا الرقم وبعد كدا راح مكتفينوا وراحوا مصورينوا وبعد كدا اتنين من صحاب عمر راحو يجيبوا العربيه بتاعته وخدوها بس هما رفضو وقال بعد كدا هديكم خمسين الف بس امسحوا صوري راح إسلام قلو هات الخمسين ألف جنيه وراح إسلام قال وهديك التلفون بتاعك راح اتقبض عليا امبارح وخدوني علي القسم وقالولي هاتي ابنك وصحابك وأنا خدت من سيد أول ما دخل البيت ألفين ونصف وقلي خديهم علشان انام معاكي بيهم وانا ختهم منه وصرفت الفلوس وقضت محكمة جنايات شمال القاهرة بالسجن سنة للمتهمين عن تهمة استدراج المجني عليه وخطفه والتعدي عليه