بلال طليق هدير عاطف يكشف في التحقيقات سر المكالمات الهاتفية بينه وبينها بعد النصب على المواطنين… خاص
يواصل القاهرة 24 نشر نص التحقيقات في قضية البلوجر هدير عاطف، بعد القبض عليها وحبسها على ذمة التحقيقات منذ عام وحتى الآن، بتهمة الاستيلاء على أموال مواطنين والنصب عليهم بزعم استثمارها لتحقيق عوائد وأرباح مالية بالاشتراك مع زوجها بلال، وشقيقه وزوجة شقيقه، بعد تروجيهم لذلك عبر صفحتها الشخصية، لجذب ضحايا والتحصل على أموالهم، بعد إيهامهم بأرباح مالية نتيجة استثمار تلك الأموال في تجارة السيارات والعقارات، علاوة على تشغيلها في البورصة، بالاشتراك مع زوجها بلال، وشقيقه وزوجة شقيقه.
بلال طليق هدير عاطف يكشف في التحقيقات سر المكالمات الهاتفية بينه وبين طليقته
ويستكمل القاهرة 24 نشر نص أقوال بلال طليق هدير عاطف، حيث أجاب عن المحادثات التي بينه وبينها -تلوناها عليه تفصيلًا- ؟
ج: أيوة فعلًا المحادثات دي بيني وبينها والصوت اللي بيتكلم فيه ده صوتها، وهو كان حصل مشاكل بيني وبين هاجر وتامر بسبب إن الناس بدأت تطالب بفلوسها، فهي كانت بتحل بينا وبتجمع لي بيانات العملاء وأنا كنت بحولها فلوس علشان تديها لهم.
أقوال بلال طليق هدير عاطف
س: وما قولك فيما ثبت بمحضر المشاهدة من وجود محادثة بينك وبين زوجتك على تطبيق التليجرام؟
ج: أيوة فعلًا المحادثات دى كانت بيني وبين مراتي هدير.
س: وما تعليلك لما ثبت بالرسائل المرسلة منك من قيامك بتحويل مبلغ مائة مليون دولار ووصل منهم بتاريخ 10/12/2022مبلغ 120 الف دولار؟
ج: أيوه انا فعلًا كنت ساعتها بعمل معاملات لتحويل 100 مليون دولار أمریکی علشان أضارب بيهم وأعرضهم للبيع وأحول فلوسهم كاش، وكان ساعتها وصل منهم مبلغ 120 ألف دولار، بس المبلغ ده دلوقتى زاد ووصل إلى مليون وأربعمائة ألف دولار تقريبًا.
س: وهل يمكنك تحويل ذلك المبلغ الآن إلى حسابك البنكي أو أي حساب بنكي آخر؟
ج: هو أنا محتاج 48 ساعة بالكثير أشتغل على الابلكيشن بينانس وبسكان، أعرضهم للبيع والفلوس دي أحولها على أى حساب بنكي خلال48 ساعة زي ما قلت.
س: وملك من الهواتف المحمول المضبوطة المعروضة رفقتك؟
ج: التيلفونات دي كلها بتاعتى.
س: وهل يستخدم شخص غيرك تلك الهواتف؟
ج: لا.
س: ومنذ متى تمتلك تلك الهواتف المحمولة؟
ج: من ساعة ما اشتريتها جديدة وهي معايا.
س: وهل كان يمكن لأي شخص استخدام تلك الهواتف المحمولة خاصتك؟
ج: لا أنا بس اللي كنت يستخدمها لأن كل اللي عليها يخصني.
س: ما هي كيفية ضبطك تحديدًا؟
ج: النهاردة كنت في بيت مأجره في فيصل، ولقيت الشرطة داخلة عليها ومسكوني.
س: ومتى وأين حدث ذلك؟
ج: النهاردة الصبح من الشقة مأجرها في فيصل - الجيزة.
